Plantun de Prouvènço

Pèr coumpara dos planto d'encò nostre

Serapias neglecta & Geranium sylvaticum

Serapias neglecta

Orchidaceae

Nom en français : Sérapias méconnu.

Descripcioun :
La lebourino-descouneigudo trachis subretout en Prouvènço séusouso, dins li relarg pulèu umide, mai se pòu rescountra peréu en basso Prouvènço. Se recounèis à sa labreto en cor, pamens la lebourino-en-cor n'a, de segur, peréu. Se destrìon de tres biais. D'en proumié, la coulour qu'èi mai claro eici (roso), pièi li coustat de la labreto (ipochile) soun à mitan deforo dóu casco (quàsi en entié dins lou casco pèr Serapias cordigera), e enfin si fueio soun, eici, pas picoutado de poupro. Coumpara emé la lebourino-en-cor.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 25 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Serapias
Famiho : Orchidaceae

Coulour de la flour : Roso
Petalo : irreguliero
Ø (o loungour) flour : Pancaro entresigna
Flourido : Printèms

Sòu : Si
Autour basso e auto : Pancaro entresigna
Aparado : Vo
Remarco : Meno aparado

Liò : Terraire safrous - Prado umido - Roucaio
Estànci : Termoumediterran à Mesoumediterran
Couroulougi : Pancaro entresigna
Ref. sc. : Serapias neglecta De Not.., 1844

Geranion(-de-fourèst)

Geranium sylvaticum

Geraniaceae

Noms en français : Géranium des forêts, Géranium des bois.

Descripcioun :
Lou geranion-de-fourèst es uno planto proun coumuno dins lis Aup en mountagno mejano, ounte emé soun rizoumo, fai de poulìdi coulounìo. La fueio èi proun penado e decoupado e lou pecou di flour, glandoulous (fotò) .

Usanço :
Es uno bono erbo pèr li vaco.